1)AURKEZPENA

Saskibaloi sailak dinamismo handia du, zuzendaritza sendoarekin eta kirolari saiatuekin. Aurrekontu aldetik ondo betetzen ditu urteak, eta beharbada hutsunea entrenatzaile faltan dago, sail guztietan bezala.

Talde bakoitzak Gipuzkoako bere ligan hartzen du parte, eta hor eroso mantentzea izaten da helburu nagusia, mailaz igotzea baino. Oñatitik kanpora ikastera doazenak ostiraletako entrenamenduan soilik aritzen diren bitartean, bertan bizi direnak beste bat edo bi egiten dituzte, adinaren arabera. Neskek zein mutilek parte hartzen dute. Bazkide kopurua: 250.

ZUZENDARITZA TALDEA: Imanol Marquez, Segundo Madina, Jose Luis Campo (Lehendakaria), Migel Angel Zabaleta, Itziar Hernandez, Pedro Mari Igartua, Rafael Agirre eta Xabier Mugarza.

2)NABARMENDU DIRENAK

LUIS CARLOS DE MIGUEL, 1972, OÑATIKO BATUAK ENPRESAN DIHARDU LANEAN. GAZTETAN BI URTEZ FUTBOLEAN JOKATU ARREN, BERE ZALETASUN NAGUSIA SASKIBALOIA DA, HASIERAN JOKALARI GISA ETA ONDOREN ZAZPI URTEZ ENTRENATZAILE LANETAN ARITU DELARIK. HORREGATIK, ALOÑA MENDIKO SASKIBALOIKO AURPEGI  KLASIKOENETAKOA DA.

ANDER IARZA, 1973, ENPRESA ZIENTZIA IKASI DU ETEON, ETA ERA BEREAN ULMA NEKAZARITZAKO BILTEGIAN DIHARDU. GAZTETAN FUTBOLEAN ETA BOLEIBOLEAN ARITUTAKOA DA. BERE EZAUGARRI BEREIZGARRIENA SASKIRATZEKO GAITASUNA IZAN DA BETIDANIK.

AINHOA LAZKANO, 1982-1998. SASKIBALOIA ZEN BERE KIROLIK MAITEENA, GAITASUN ONAK ERAKUTSI ZITUEN. BERA ETA BERE TALDEA IZAN ZIREN LEHENENGOTAKOAK SASKIBALOIAN OÑATIN ERREKONOZIMENDU SERIOAK ETA OSOAK EGITEN, ATHLON ENPRESA ESPEZIALIZATUTAKO SENDAGILEEKIN. AINHOA BETI EGONGO DA ALOÑA MENDIKO SASKIBALOIZALEEN BIHOTZETAN.