1)AURKEZPENA

Atletismo sailak bi arazo izan ditu. Aurrena Luis Mari Samaniego kirolari eta entrenatziale izan zenekoa. Indar dexente lortu zuen herri mailan, baina Luis Mari Gasteizko Cegasara joan beharrean aurkitu zenean, errelebo sendorik ez zen egon. Horrela, laurogeigarren hamarkada bukatzear zela guraso taldea elkartu zen saia berpiztu guran, eta gaur egun arte horrela dirau, zuzendaritzan kirolarien gurasoak daudela.

Aixkomentean gazteak hamahiru hamalau urterarte mantentzen dira sailean. Ondoren, Oñatitik kanpoko elkarteetara doaz, babes eta entrenatzeko baldintza hobeak eskaintzen dizkietelako, edo beste kirolen bat egitera igarotzen dira. Zuzendaritzakoei zein entrenatzaileei ezinezkoa zaie errealitate hori aldatzea, nekeza baita kirol giroa mantentzea entrenatzeko pista eta gutxieneko egitura barik. Hutsune horiek dakarte, ondorioz, entrenatzaile berrien falta, beraien gain doalako saileko lan gehiena.

2)NABARMENDU DIRENAK

LUIS MARIA SAMANIEGO, 1942, LANEAN BETI CEGASAN, OÑATIN ZEIN GASTEIZEN. GAZTETAN PILOTAN ETA ZIKLO KROSEAN IBILITAKOA. GAZTETATIK IZAN DA OÑATIKO KORRIKALARIRIK OSPETSUENA, HAINBAT LEHIAKETETAN IBILIA ETA BETI AURRENEKOEN ARTEAN SAILKATUA. ATLETISMOAN JARRAITZEN DU.

JUAN KARLOS UGARTE, 1957. AITA BEZALA ERIZAINA, ARRASATEKO LAGUN ARON DIHARDU. GAZTETAN ANTXINTXIKA EGIN ZUEN BERE EMAZTE MARISOL RAMOSEKIN BATERA. MONITORE TITULUA ATERA ZUEN ALOÑA MENDIN ENTRENATZAILE LANETAN HASI AURRETIK.

JESUS ARREGI, 1962, AUTONOMOA IZANDAKOA, ULMAN DABIL LANEAN. GAZTETAN TXIRRINDULARITZAN IBILI ZEN, ETA GAUR EGUN BERRIZ ZIKLOTURISMOAN ETA ATXINTXIKETAN. ZUZENDARITZAKO KIDE DA.