1)AURKEZPENA

Pilota sailak osasun ona dauka antolakutza aldetik, eta gaur egun lanean nahiko jende ari da zuzendaritzan iragango urteekin konparatuz. Baina pilota mundua pilotari hobeak edo arruntagoak izateak baldintzatzen du erabat, eta Oñatin famatuak izan diren pilotariak eraman dituzte ikusleak frontoietara. Kirol hau Txantxiku-Txokotik Aloña Mendira egoitza zabaldu zenean igaro zen, eta sailaren emaitzarik nabarmenena Herri arteko lau finaletara ailegatzea izan zen, 1979an Arrasateren aurka, 1980an Azkoitiaren aurka etq 1986an eta 1987an Donostiaren aurka jokatu zuten. Lau finaletan galdu arren, sortutako ikusmina eta zaletasuna izugarria izan zen.

Kanpoko pilotalekuan uda partean soilik jokatzen da,  eguraldiaren arabera. Zubikoa pilotalekua 1984an inauguratu zenetik, kirol denboraldia urte osora luzatu zen, txapelketak antolatzeko eta baita entrenamenduetarako ere. Dena den, pilotaren ohiko gogortasunagatik edo beste kirol mota batzuen gorakadaren eraginez, kiroldegia eduki arren ez da lehen adina pilotaririk sortu, ez eskuz ez erremintaz.

ZUZENDARITZA TALDEA: Jesus Mari Agiriano, Julián Dorado, Iñaki Galdos (Lehendakaria), Jon Romaratezabala eta Esteban Ugarte.

2)NABARMENDU DIRENAK

KARLOS AIASTUI, 1926. SAN JUAN KALEKOA, ONENA ETA MAIZTEGI TXOKOLATEGIETAN, BERGARAKO ALTOS HORNOSEN ETA JUBILATU ARTE CEGASAN LANEAN IBILITAKOA, GAZTETAN DANTZARI ERE IZAN ZEN HAMALAU URTEZ,  ETA BAITA SUHILTZAILE. BAINA PILOTARAKO ZITUEN PAREGABEKO DOHAIAK. BERE ABILEZIA ETA TEKNIKAGATIK KARLOS EZAGUNA ZEN DEBA BAILARA OSOAN. OÑATIN BERTAN, EGUNERO JOKATZEN ZUEN "ALOÑA" ZINEMA AZPIKO TRINKETEAN.

IÑAKI GALDOS, 1966, EUSKAL FILOLOGIA IKASIA, AUTONOMO ZIHARDUEN KOMUNIKAZIO ARLOAN, ETA AZKEN HAUTESKUNDEETATIK AURRERA GASTEIZKO LEGEBILTZARKIDE DA. GAZTETAN ESKUBALOIAN ARITU ZEN. DUELA 10 URTE SARTU ZEN PILOTA SAILEAN.

MANUEL ARREGI, 1935. KOMERTZIO IKASIA, GIPUZKOANO BANKETXEAN ARITU ZEN. FUTBOLARI IZANA ETA PILOTARI BIKAINENETAKOA BERE GARAIAN, EPAILE ERE URTETAN JARDUN ZUEN ALOÑA MENDIN. KARLOS AIASTUIREKIN OSATZEN ZUEN BIKOTEA  OÑATIKO ONENETAKOA ZELA ZIOTEN ADITUEK.