1)AURKEZPENA

Igeriketa Sailak sorreratik izan zituen igerilari asko, eta harrezkero antzerako maila mantentzen du, gora behera handi barik. Zuzendaritzan betidanik gurasoak egon dira, giro onean, eta egitura edo igerilarien kopuruari erreparatuz, Gipuzkoako seigarren elkarte dela esan genezake.

Sailak urtero Euskal Herri osora zabaltzen den Txantxiku Saria antolatzen du, Korpus aldera, eta azken hiruzpalau urtetan Gipuzkoako Igerilari onenaren lehiaketa ere bere gain doa. Bestalde, neguan eta udaberrian probintzia mailako txapelketa guztietan hartzen du parte. Neska eta mutil kopurua parekatua egon ohi da.

ZUZENDARITZA TALDEA: Pedro Alberdi, Angel Maiztegi, Plazido Ruiz, Anton Garmendia, Cayetano Pérez (Lehendakaria), Xabier Infante (entrenatzailea) eta Koldo Guridi.

2)NABARMENDU DIRENAK

XABIER INFANTE, 1958, GASTEIZTARRA, MAGISTERITZA IKASITA 1984AN ETORRI ZEN OÑATIRA. GAZTETAN IGERIAN ETA ERRUGBIAN ARITUTA, GASTEIZEN EKIN ZION EUSKARA IKASTEARI. ENTRENATZAILE LAGUNTZAILE BEZALA HASI ZEN ETA HARREZKERO IGERILEKUTAN EMAN DITU BIZITZAKO ORDU GEHIENAK.

UNAI PEDREGAL, 1974. INJENIARITZA MEKANIKOA IKASITAKOA DA, ULMA PACKAGINGEN DIHARDU. IGERIKETA IZAN DA BERE ZALETASUN IA BAKARRA GAZTE DENBORAN. EUSKAL HERRIAN HAMAR BAT ALDIZ IZAN ZEN OROKORREKO TXAPELDUN, ETA ESTATUAN BITAN TXAPELDUN-ORDE, JUBENILETAN.

KEPA ALBERDI, 1982. BATXILERGOA IKASI OSTEAN, ARRASATEN DIHARDU DISEINUA IKASTEN. BEHIN BAINO HARTU DU PARTE ESTATU MAILAKO KONPETIZIOETAN.