1)AURKEZPENA

Eskubaloi saila sortu zenenan baldintza eskasetan aritu zen hainbat urtetan, Olaiturrin eta Enparantzan jokatuz, eta Unibertsitateko garai hartako nolabaiteko aldagelak erabiliz. Baina han ereindako zaletasuna ezinbestekoa suertatu zen Zubikoa Kiroldegia eraiki zenerako, eta harrezkero sail dinamikoa izan dugu, gazteen estimakoa.

1998/99 denboraldian ia ehun kirolari federatu izan zituen ondo orekatuta neska eta mutilen artean, eta entrenatzaile zein laguntzaile gazteekin. Gipuzkoa zein euskal Herri mailako txapelketetan dihardu, eta orohar Aloña Mendi talde seriotzat hartzen dute Federakuntzan, edozein proposamen edo ekintza sortzen denean gonbidatua izaten delarik. Bazkide (450 kide gutxi gorabehera) eta zozketei esker sendo dago ekonomi arloan, eta etorkizun oparoko saila da.

ZUZENDARITZA: Pedro Erostarbe (Lehendakaria), Iñigo Aranburu, Igor Biain, Juan iñazio Alzelai, Albaro Aiastui eta Jabier Etxeberria.

2)NABARMENDU DIRENAK

ITXASO EGAÑA, 1982. KIDERIK GAZTEENETARIKOA, BATXILERGOA EGIN OSTEAN KIROL MAGISTERITZAN DIHARDU. GIMNASIAN, IGERIKETAN ETA TXIRRINDULARITZAN ARITUA, ESKUBALOIAN ETA ATLETISMOAN ERAKUTSI DITU BERE BENETAKO GAITASUNAK. ESKUBALOIAN ESTATU MAILAN JOKATU IZAN DU, ETA EGUN TALDE APALAGO BATEAN DABIL.

JABIER ETXEBERRIA, 1963. ENPRESA ZIENTZIAK IKASITAKOA, ULMAN ARI DA LANEAN. BETIDANIK ESKUBALOIARI LOTUA JOKALARI, ENTRENATZAILE ETA ZUZENDARITZAN, DENETIK EGIN DU. ESKUBALOI SAILA EGONKORTZEKO LANEAN ARITU DA.

JABIER BALZATEGI, 1951, INFORMATIKA IKASITAKOA, ZUBIKOAN DABIL LANEAN. GAZTETAN FUTBOLEAN ATEZAIN ETA ERRUGBIAN ERE JOKATU ZUEN. GAUR EGUN TENISEAN ETA GOLFEAN DIHARDU.  ESKUBALOIAN BOST URTEZ JOKATU ZUEN ALOÑAN ZENTRAL BEZALA.