1)AURKEZPENA

Aurretik esan dugun bezalaxe, futbol sailarekin sortu zen, hain zuzen, Aloña Mendi Kirol Elkartea 1949an. Ordutik hona dexente aldatu da sail honen bilakaera. Hasieratik eta hirurogeigarren hamarkada bukatu artean ikuskizun nagusia futbola zenez (jarraitzaile gehien duen saila izaten jarraitzen du), Azkoagaingo futbol zelaia igandero betetzen zen, herrian jai giro alaia sortuz.

Gaur egun, berriz, jendea kotxea hartuta herritik ateratzen dela, edo telebistaz gura adina futbol ikusteko aukera dagoela, edo autobusak daudela Erreala ikustera joateko, edo beste hainbat ikuskizun ezberdin sortu direlako iragango urteetan, Azkoagainera doan zaletu kopurua jaitsi egin da, horrek arlo guztietara dakartzan ondorioekin.

Hala ere, egun, igandetan hainbat kotxe ikus ditzakegu Azkoagain kanpoan, beraz, badirudi berriz indarra hartzen ari dela. Taldeen sailkapena gazteen, jubenilen eta nagusien arabera egin ohi da. 93-94 denboraldian hirugarren mailara igotzea lortu zuen. 800 bazkide ditu sail honek.

ZUZENDARITZA: Karlos Olalde, Jabier Azpiazu (Lehendakaria), Migel Angel Kortabarria, Juan Mari Erostarbe, Jabier Agirre, Luis Mari Aranburu, Jose Luis Agirre eta Luis Agirre.

2) NABARMENDU DIRENAK

JABIER AZPIAZU, 1949. MERKATAL IKASKETAK EGINDAKOA, AGENTE KOMERTZIALA DA LANBIDEZ. MUTIKOTAN FUTBOLEAN ARITU ZEN, ETA BETERANOEN TXAPELKETAN HASIERATIK DIHARDU ASTEBURUERO ARBITRO. ZUZENDARITZA TALDEAN DUELA HOGEITA HAMASEI URTE SARTU ZEN, ETA HORIETATIK HOGEITA SEI LEHENDAKARI BEZALA DARAMATZA, BETI BORONDATE HUTSEZ ETA PEZETARIK KOBRATU GABE.

SANTIAGO IDIGORAS, 1953, MERKATAL PERITAJEA OÑATIN IKASITAKOA, KIROL ARLOAN ARITU DA BETI LANEAN. GAUR EGUN DONOSTIAKO GIMNASIO BATEKO AEROBIC MONITOREA IZATEAZ GAIN, LA PERLAKO OSASUN ZUZENDARITZA DARAMA. MUTIKOTAN PILOTAN, ATLETISMOAN ETA SASKIBALOIAN IBILIA DA.  EZ DU "kURRIKULUM" MAKALA: ZORTZI URTE ERREALEAN, BI MEXIKO PUEBLAN, ETA BINA VALENCIAN ETA ALAVESEN.

JON URZELAI, 1977. ENPRESA ZIENTZIAK IKASTEN ARI DA, LEHEN DONOSTIAN ETA ORAIN ALICANTEN. OÑATIK GAUR EGUN FUTBOLEAN DUEN MAILA ONENEKO JOKALARIA. GAZTETAN ESKUBALOIA ERE EGIN ZUEN. HAMAIKATIK HAMAHIRU URTE HARTE JOKATU ZUEN ALOÑAN, HORTIK ERREALEKO GAZTE TALDEETAN ARITZERA PASA ZEN, AZKENIK ERREALA B-RA IRITSIZ, ETA BERTAN LAU URTEZ JOKATU.