2003KO KIROLARI NABARMENAK

• JON ODRIOZOLA, KELMEko txirrindularia. Urte barria hastearekin batera sartu da indarrean Kelme taldearekin sinatu duen kontratuaz. Aurten txirrindularitzan pasa dituen une txarrenak izan badira ere, denboraldi berriari begira dago eta aurten animoak eman dizkioten jende guztiari eskerrak ematen ditu.
• ITXASO EGAÑA, Granadako Club Balonmano Iznalloz taldeko jokalaria. Bere hirugarren denboraldia da Ohorezko Mailan, emakumezkoen eskubaloiaren elitean. "Orain arteko partidu guztiak jokatu ditut eta gustora nabil, aurreko urteetan baino konfidantza handiagoarekin", dio.
• AITOR OTXOA Mendi Eskiko Euskadiko txapelduna izan da.
• IÑAKI GURIDI Gipuzkoako Igeriketa txapelduna izan da 400 krolean, eta baita distantzia luzean ere.
• ASIER URDANPILLETA mendi lasterketen Munduko Kopan 6. sailkatu da.
• GAZTE MAILAKO FUTBOL taldeak Ohorezko Mailatik Euskadiko Ligara igotzea lortu du.
• JULIAN DORADO hainbat urtez aritu da oñatiko pilotaren alde lanean eta gaur egun ere badihardu.
• AINHOA LAZKANOren omenezko saskibaloi partiduak jokatuko dira Zubikoan urtarrilaren 3an.
• SENIOR MAILAKO ARETO FUTBOL taldea lan bikaina egiten ari da, orain arteko partidu guztiak irabazi ditu, hamaika guztira.
• YERAY VARELAk zenbait postu aipagarri lortu ditu aurten krosean.
• ALOÑA MENDI GIPUZKOAKO KIROL ELKARTERIK ONENA. Anton Inza Aloña Mendi Kirol Elkarteko presidenteak Foru Aldundiak Emandako Gipuzkoako kirol elkarterik onenaren saria jaso zuen Kursaalean abenduaren 22an. Ia 55 urtetan egindako lanaren errekonozimendua da. Zorionak!!!