----IGERIKETA

IÑAKI GURIDI GIPUZKOAKO TXAPELDUN 400 KROLEAN ETA AZPITXAPELDUN 200 KROL ETA 200 ESTILOTAN.

Aloña Mendiko igerilariek (Iñaki Guridi, Liher ugarte, Ane Billar) 6 domina eskuratu dituzte. Taldeka hirugarren sailkatu da Aloña Mendi Gipuzkoako Txapelketan, 16 talderen artean.

----ESKUBALOIA

TXUS ARANBURU (Arrikrutz Kobak taldeko entrenatzailea): "Sentsazio onak utzi dizkidate lehenengo bi partiduek".

Maila ona erakutsiz ekin dio txapelketari 1go Maila Nazionaleko eskubaloi taldeak. Aurreneko partiduan, Zubikoan, estu hartu zuen faboritoen artean dagoen Huescako taldea (20-21), eta bigarrenean Hondarribian irabazi zuen (19-22). Larunbat honetan (17:30) Zubikoan Urdanetaren aurka berretsi beharko du hasiera ona.

----ATLETISMOA

HAIZE BERRIAK ATLETISMOAN

Debagoiena eta Orolaldean sortu den Atletismo talde amateurrean dagoeneko 85 lagun daude, horietatik 35 oñatiarrak. Aluminios Francisco Alberdi, Kanpazar-Kobate Harrobiak eta Apalategi kirol dendaren babesa du taldeak. Aloña Mendiko Atletismosailak eres osatu eta sendotu egin du bere egitura. Gaztetxoekin lana egiteaz gain, federatuen talde indartsu bat aterako dute Kross denboraldirako; Ritxar Fernandez, Urdanpilleta, Jesus Mansdo eta Yeray Varela daude, besteak beste, taldean.

----MENDIA

LENIN MENDIA, 7134 m.: ZAZPI MILAKO KOSKA GAINDITU DU ARANTZAZU IBARRONDOK

Orain dela bost urte saiatu zen Arantzazu zazpi mila metroak gainditzen. Orduko hartan baina, esperientzia falta eta, batez ere, eguraldi txarraren ondorioz, etsi egin behar izan zuen Muztagh Ata-ko bigarren kanpamenduan. Gerora, sarri ibili da 7.000 metroko mugan: Huascaran, Ojos del Salado, Pissis, Aconcagua... Aurtengo udan, Lenin mendian lortu du zazpi milako koska gainditzea. Teknikoki ez da mendi zaila, altuera eta eguraldia dira oztopo nagusiak. Bere esanetan: "Denborarekin mendian sortzen diren arazo eta zailtasuenai beste modu batean aurre egiten ikasi dut".