LEHENDAKARIA
ANTON INZA, 1957. INJENIARITZA MEKANIKOA IKASIA, ARETXABALETAKO LANBIDE HEZIKETAN IRAKASLEA DA. GAZTETAN FUTBOLEAN, TXIRRINDULARITZAN ETA PILOTAN ARITU ZEN.
"Gure betebeharretarako garrantzitsua da sailetako beste kideekin harreman onak mantentzea. Azken finean, gure ardurapean ez dago kirolaririk, ezta halako partiduaren edo txapelketaren urduritasunik, beste epe bateko lana da gurea, patxada gehiagokoa nolabait adierazteko, egunerokoa izan arren..."
ZUZENDARITZAko KIDEAK
ENRIKE ZUBIAGIRRE, 1934. BESTE OÑATIAR ASKO BEZALA AGUSTINOETAN GAZTETAN IBILIA, HARREZKERO BETI GARAI FABRIKAKO ADMINISTRAZIOAN ARITU IZAN DA LANEAN, 99KO MAIATZEAN JUBILATU ARTE. FUTBOLEAN ETA PILOTAN EGIN ZUEN MUTIKOTAN.
"Kideak aldatzen joan dira, baina nik hementxe jarraitu dut lanean. Karguak ez ditut atsegin, eta Lehendakaritza beti besteen esku egon da."
ANGEL BARRENA, 1960. ENPRESA ZIENTZIAK IKASI ZUENETIK KUTXAN DABIL LANEAN. GAZTETAN PILOTAN DEXENTE EGINDAKOA, ESKUBALOIA IZAN DA BERE KIROLIK GOGOKOENA, JUBENILETAN, NAGUSIETAN, ENTRENATZAILE ETA ZUZENDARITZAN ARITUA BAITA.
"Anton Inzarekin sartu nintzen, 1987an. Harrezkero hirurok gaude zuzendaritzan, giro onean eta proiektu ugarirekin. Hauen artean garrantzitsuean egoitza berriarena da..."
"... Nire ustez Oñatirako Aloña Mendik izugarrizko lana egiten du, egituraketa eta funtzio sozial aldetik. Hala ere, uste dut Udalak behar adina ez duela hori estimatzen, nobedadea ez delako. Guk hor dihardugu, zarata barik."
UDALEKO KIROLETAKO ZINEGOTZIA
JOSE ANTONIO URTEAGA, 1948. ULMA PACKAGING-EKO ADMINISTRAZIO KOMERTZIALEAN LANEAN, MUTIKOTAN KALE ZAHARREKO LAGUNEKIN FUTBOLEAN EGINDAKOA DA, BAINA PRETENTSIORIK GABE.
"Futbo sailean hasi nintzen, eta orokorreko idazkari ere ibilia naiz. Udaletxean zinegotzi sartu nintzenetik taldekidea izatea utzita daukat, lanean jarraitzen dudan arren, bai sailean baita ere udaletxean. Niretzat oso esperientzia aberasgarria da, jende asko ezagutzeko aukera eta lagun ugari egitea dagoelako, arbitroak barne. Egin behar dena zera da, une txarrak ahaztu."
"...Oñatiko kirol azpiegituraren zutabeak bi dira: Zubikoa Kiroldegia eta Aloña Mendi. Eta Aloña sailez gain zuzendaritza orokorra egotea benetan garrantzitsua da, taldeen arteko elkarkidetza bultzatzen duelako alde batetik, eta edozein gauzatarako udalaren aurrean ordezkaritza egoki eta zabala daukalako."
SAILETAKO LEHENDAKARIAK
- ANDONI OLALDE (ESPELEOLOGIA)
- PEDRO EROSTARBE (ESKUBALOIA)
- IÑAKI GALDOS (PILOTA)
- ROBERTO ERRASTI (TENISA)
- PEDRO IRURZUN (TXIRRINDULARITZA)
- JERARDO ESKARZA (ARETO FUTBOLA)
- JESUS ARREGI (ATLETISMOA)
- ERNESTO ORUETA (MENDIA)
- CAYETANO PÉREZ (IGERIKETA)
- SANTI LIZARRA (KARATE)
- JABIER AZPIAZU (FUTBOLA)
- JOSE LUIS CAMPO (SASKIBALOIA)
- MIKEL UGARTE (GIMNASIA)
| 
