"AMAL" Elkarteak, bere helburuak betetzeko ("nortzuk gara" atalean azaldutakoak) ekintza desberdinak aurrera eramaten ditu, nagusiak honako hauek izanik:

+ "Oporrak bakean" programa: Oporrak Bakean programaren bidez bi helburu lortu nahi ditugu.Alde batetik, 7 eta 12 urteen arteko haurrak kanpamentuetatik ateratzea. Uda partean kanpamentuetan 50 º C-tik gorako tenperaturak izaten dira. Bestetik, Saharako Herriaren gaurko egoerari buruzko sentsibilizazioa gure herrian sortzea. Dakigunez, autodeterminazio- referendumaren zain daude, berriro atzeratu dena.

+ "Elikagaien karabana" programa: Urtero aurrera eramaten den beste ekintza bat da. Karabana hau urte amaieran prestatzen hasten da eta otsaila amaieran irteten da. Karabanaren helburuen artean hauek azpimarratu dezakegu:

- Elikagaiak bidaltzea, kanpamenduetan bizi diren elikadura hutsuneak betetzeko asmoz.

- Garraio - bideak bidaltzea kanpamenduetan erabiliak izateko.

- Gure herria eta Herri - Saharauiaren arteko adiskidetasuna eta kooperazioa garatzea.

- Saharar arazoari buruz populazioa eta erakundeak sentsibilizatzea.

+ Medikamendu programa: Ekintza honek botiketatik jasotzen ditu behar ez ditugun medikamenduak eta Tindouf-eko Osasun Ministeriora bidaltzen ditu.