Aritz Berri Dantza Taldea 1998ko martxoan Arrigorriagan sortu zen dantza talde bat da. Garai batean Arrigorriagan Aritza izeneko dantza talde bat egon zen eta hemendik guk hartu dugun izena.

    Aritza taldea desagertu zenetik Arrigorriagak ez du dantza talderik izan, soilik Kultur Etxeak sortu zuen tailerra. Tailer hau sei eta hamar urte bitarteko haurrentzat bakarrik zenez, honi jarraipena emateko sortu ginen gu.

    Gaur egun 75 dantzarik osatzen dugu talde hau, 6 eta 24 urte bitartekoak denak. Esan dezakegu beraz, Aritz Berri Dantza Taldea talde gazte bat dela.