|
AED Elkarteko Kultura lan taldearen azpitalde bezala sortu zen Ekin Emakumeak. Bost bat emakumek eman zituzten lehen urratsak, emakumeek hizkuntzaren transmisioan duten garrantzia kontuan hartuta, eta hauei hainbat ekintza euskaraz eskaintzeko nahia zela medio.
Hitzaldiak antolatzen ziren hasiera hartan, eta berehala mintza-praktika lantzen hasi ziren: 25 bat emakume, euskaldun zaharrak eta berriak, AEKko ikasle eta ondoren irakasle izandako emakume batek gidaturik biltzen ziren, aurrez adostutako gaiak eztabaidatzen.
Ondoren, ikastaroak antolatzen hasi ziren, gai ezberdinen inguruan: sukaldaritza, yoga, eskulanak, sexualitatea,... Baita kultur bidaiak, talo txosnak, e.a.
| 
