|
Horregatik ahalik eta arinen, Nafarroako gobernua Itoitzen egiten ari denaren kontra azaltzeko, konzentrazio bat egitera gonbidatzen dizuegu.Oraingoz, Bizkaian Bilbon dago deituta
Itoizko solidario eta Artozkitik kanporatutako auzokideen partetik
idazten dizuegu. Irati ibaiaren bazterrean dagoen herri eder honetara
asteburu honetan eta hurrengo egunetan joateko gonbita luzatzen dizuegu.
Dakizuenez, herri hau Itoizko urtegiaren heriotza zigorraren mehatxupean
dago. Irailak 15- tik jende multzo bat erresistitzen ari da bere eraispena
ekiditeko. Azpimarratzekoa da urtegiak kalteturiko herrietatik Artozki eta
Muniain direla zutik mantentzen diren bakarrak , Itoitz,Orbaitz eta
Nagoreko zati bat joan den udaberrian gupidagabe bota zituzten eta.
Orain arte lau polizi- sartze izan dira Artozkin eta Nafar gobernuaren
helikopteroa noiznahi herriaren gainean ikus daiteke, baina zorionez,
hondeamakinak oraindik ez dira ageri eta errepidea zabalik da.
Pasa den asteburuan jai giroa izan zen nagusi herrian, Agoitz eta
inguruko herrietako biztanleak erruz agertu zirelarik. Asteburu
honetarako deialdia are zabalagoa egin nahi dugu; ekitaldi egitaraua
prestatzen ari gara eta Artozkira joateko gonbita luzatzen dizuegu.
Erresistentziaren jendeak eta Irailak 15-ean etxeak hustu arren,herrira
maiz azaldu eta Solidarioen ekimenak sustengatzen dituzten bertako
auzokideek zuen etorrera biziki eskertuko dute. Zuen laguntza eta
berotasunaren beharrean daude, Foruzaingoaren jazarpena pairatzen ari
direlako eta edozein unetan herriaren hustuketa suertatzen ahal delako.
Erresistentziak luze jo dezake Nafar gobernuaren jokabidea zein izanen
den antzematerik ez dagoelako. Hori dela eta, erresistentzia berritu
behar da txanda eta ordezkapenak eratuz, ahal den denbora luzeen iraun
ahal izateko. Erresistentzia txandak egin ditzakeenak edo hobe, etengabe
egon daitekeen jendeak gurekin harremanetan jartzeko eskatzen diegu.
Gainerakoei asteburuan azaltzeko deia egiten dizuegu. Herrian bertan
kanpin denda ezartzeko aukera izanen duzue. Lo zakua,janaria eta edaria
ere ekarri behar duzue. Eguraldia oso ona da baina arratsaldeetan
freskatzen du. Etxeetan ez dago urik ezta argirik ere, baina iturburu
batetik ura ponpatuz eta generadore baten bitartez moldatzen gara.
Kanpotik zatoztenentzat ohar bat: Agoitz eta Itoitz herria zena pasatu
ondoren, eskuineko bidea hartu behar duzue, Orotz Beteluko norabidean.
Errepidea obrengatik moztuta dagoela dioen kartel batekin eginen duzue
topo,banan ez egin kasurik,obrak Artozki ondoren direlako. Dena den
Artozki seinalatzen duen eskuz egindako kartela ezarri dugu,
hanka-sartzeak ekiditeko aldera.
Asteburuko egitaraua bidaltzen dizuegu, zuek ahal den gehien zabal
dezazuen. Erresistentziaren egunez eguneko albisteen berri hementxe
duzue: www.euskalherria.indymedia.org edo gure web-gunean:
www.sositoiz.com
|
