GANEKOGORTA MENDIKATEAREN KUDEAKETA ETA BABESERAKO PLAN OROKORRAREN ESKARIA

Behean sinatzen dugunok mendikate osorako plan orokorra beharrezkoa eta premiazkoa dela jotzen dugu. Aipatu plangintzak Pagasarri-Ganekogorta zonaldean aurreikusitako ekintza guztiak hartu beharko lituzke kontuan eta egitasmo partzialei ez mugatu.

 Eskaria egiten dugu ondorengo aspektu hauek oinarri hartuz:

• Dauden natur-balioak (Ariztiak, haltzadiak, animali espezie ugariak) eta inguruak dituen aukerak bertoko fauna eta landarediaren birsorketarako.
• Inguruak eskaintzen dituen aukerak naturarekin kontaktuan egoteko edota kirol eta aisialdi aktibitateak egiteko. Honen lekuko, urte osoan bertara hurbiltzen den makina bat bisitari.
• Gaur egun jasaten dituen eraginak: kontrolik gabeko isurkinak, elektrizitate-hariak, harrobiak, suteak, inguru honetan desegokiak diren baso landaketak, motorrak,...
• Aurreikusita dauden egitasmoek inguru honetako balioak atzeraezinean eta larriki hondatuko lituzkete: zabor-errauskailua, gasbide berria, Rezolako harrobien zabaltzea, Ganekogortako mendikatean haize-parkearen kokapena, "Super-Sur" izeneko saihesbidea,...

• Pagasarriren egoerari buruz geroz eta zabalagoa den sentiberatasuna. "Pagasarri Gurea" herri ekimenak harpidetza bidez babeserako eta berreskupenerako erosi dituen zenbait lurzoru da honen leluko.

Eskatu Babeserako Planak ondorengo puntu hauek jaso behar ditu: 

1. Ezaugarrien arabera zonaldeak definitu beraien birsorketarako, egitekoak diren ekintzak eta erabilera zilegiak determinatuz.

2.    Dauden eraginak desagertarazi edo gutxitu.

3.    Dauden erabilerak arautu natur-birsorketarekin eta babesarekin bateragarriak izan daitezen.  

4.    Natur-birsorketarekin eta babesarekin bateraezinak diren proiektuen martxan jartzea galerazi. 

Hau guztiarengatik, instituzioengana jotzen dugu proiektu honi ekin diezaioten (Instituzioek diruz lagundutako zonalde honi buruzko ikasketek erraztuko lukete prozedura).