HELBURU NAGUSIAK

a)      Ikasketa planak ikertzea, garatzea eta praktikan jartzea, ikerketak egitea, gertaerak argitzea, eta, laguntza, orientazioa, aholkularitza eta babesa ematea, emakumea partaide den hainbat sistematan ahalik eta egokien txerta dadin lortzeko.

b)      Diziplinarteko laguntza-zerbitzuaren sorrera eta garapena sustatzea, emakumeari oinarrizko arreta emateko

c)      Erakunde arteko sarea osatzea estatutu hauetan agertzen diren helburuen antzekoak dituzten erakunde publiko eta pribatu guztiekin; informazioa elkartrukatzeko, osatzeko eta aberasteko joera dutenekin eta, emakumearen pertsona edo eskubideak urratzea salatzen dutenekin.

d)      Elkartearen helburuak zabaltzea herrian, probintzian, nazioan eta nazioartean edozein komunikabideren bidez.

e)      Gai espezifikoak aztertuko eta ikertuko dituzten azpibatzordeak osatzea, gizarte helburuei erantzungo diena.

f)        Topaketak, hitzaldiak, mahai-inguruak, debateak, panelak, jardunaldiak, tailerrak, seminarioak, ikastaroak, kongresuak, esperientzia elkartrukaketak eta erakusketak sustatzea, babestea eta horietan parte hartzea, emakumearen gaiaren inguruan espezializatzen eta profesionalki osatzen joateko.

g)      Lurraldeko edo kanpoko edozein tokitan ordezkaritzak jartzea, eta antzeko helburuak dituzten gobernu erakundeekin eta gobernuz kanpoko erakundeekin ideiak eta esperientziak elkartrukatzea.

h)      Goian aipatutako helburuekin bat datozen edo horien osagarri diren jarduera intelektual, kultural eta sozial guztiak garatzea.

i)        Gizakien arteko elkarreragin eredua sustatzea gizarte jarduera guztietan, gizonen eta emakumeen arteko genero ikuspegi berdinago batetik.