Hasiera: 2002ko maiatza.

DIAGNOSIA:

HURBILTZEN Planak dio:," nekazaritzan edo mota horietako jardueretan oinarritutako ekonomiak dituzten landa-ingurunetako herriak kinka larrian daudela. Hiriguneetako hornikuntzak eta zerbitzuak bermatzen duen bizi-kalitatea kontuan hartzen badugu, egoera eskasagoan daude landa-ingurunetako herriak".

Gipuzkoako Plan Gerontologiakoaren lehen helburua honako hau da: "Adineko pertsonak bere inguru naturalean mantentzea. Hau lortzeko, lehen estrategia diskriminazioaren aurka borrokatzea da, elkartasuna eta giza-kohesioa indartuz.

KOKAPENA:

ATAUN: Goierri/ Urola-Garaia eskualdeko herria da.

EZAUGARRIAK:

Landa-inguruneko herria da, baserri asko herri-gunetik urruti dauzkana.       Biztanleria : 1535 biztanle.                                                                           %24,2k 65 urtetik gora daukate, 371 lagunek, alegia.                                 Egun, 282 lagun daude 70 urtetik gorakoak.                                                48 landa-giroko herrien artean, 42. postuan dago sailkatuta, asistentzia sanitarioaren hedadurari dagokionean.                                                     Egun, aurrekontuetako gastua  pertsonako 6 eurotakoa da.           (Hurbiltzen programatik ateratako datuak)

BURUTUTAKO JARDUERAK:

Udaletxean, herriko gizarte-zerbitzuko arduradunekin bilerak egin ziren. Alkatea, zinegotzia eta gizarte-laguntzailearekin ez ezik, herrian adineko pertsonen ardura edota zerikusia duten erakundeekin ere bai., Jubilatuen elkartekoekin eta Caritasekoekin, hain zuzen ere.

Ataunen , 70 urtetik gora duten 197 lagunen diagnosia, banan-banako galdeketa baten bidez egin da. Beste alderdi batzuk ere izan dira kontuan, hala nola:

·        Elkarbizitza mota.

·        Etxebizitzaren baldintzak.

·        Mendeko pertsona den.

·        Laguntza behar duen eta behar badu, zein motatako  laguntza jasotzen duen

Istripu-arriskua duen eta gertatuz gero norengana jotzen duen.

BETETZEKO DAUDEN JARDUERAK:

1.      Pertsona espezializatuen laguntzarekin banan-banako diagnosiaren eta diagnosi orokorraren ebaluazioa egitea.

2.      Instituzio publikoetan eta erakunde eskudunetan azterketaren berri ematea.

3.      Erakundeen laguntza eta oniritziarekin, adineko pertsonei egun dauden gizarte-zerbitzuen berri ematea.

4.      Landa-ingurunetan bizi diren helduenganako sentsibilizazioa garatzea.

5.      Pertsona hauen bizi-kalitatean eragin asaldatzailea duten bakardadeari zein isolamenduari aurre egitea.

6.      Borondatezko taldeak martxan jarri.