EUSKARAREN NORMALIZAZIOA ETA KULTUR MUGIMENDUA GARATZEA

Pil-pilean Euskara eta Kultura Elkarteak lau alor ezberdinetan egiten du lan, alor bakoitzak bere helburuak dituelarik. Garrantzitsuena euskararen normalkuntzan eragile aktiboa izatea da baina horrekin batera beste helburu batzuek ere ezartzen dizkiogu geure buruari:

Hamabostekaria euskeraz

Joan zen urtean hilabetekaria hamabostekari bihurtu genuen eta 2002. urtean 20 ale kaleratu genituen Soraluzeko berriz beteta. Hamabostekariaren helburu nagusia jendeari Soraluzeko berri euskaraz emanez herri euskalduntzeko eta herriko komunikabideetan hizkuntza nagusia euskara izan dadin lortzea da gure helburua, jendea euskeraz irakurtzera ohitzeko helburuaz gainera. Honekin batera, herriko erakunde, herritar eta elkarteei ahotsa ematea. Eta nola ez Soraluzeko egunerokotasuna biltzen duen altxor historiko bat osatzea. Etorkizunean herri argazki artxiboa ere landu beharreko egitasmotzat jotzen dugu. Ostegunetan batzen gara 20:30etatik 22:00etara.

Kulturgintza

Herrian kultur mugimendu sendo eta antolatu bat egituratzea da gure helburua. Oraingoz urte guztiko eskeintza kultural bat osatzen dugu urtero, gero eta dinamikoago eta partehartzaileagoa dena. Euskara, herri izaera eta informazio bitartezko kritika soziala garatzea dira besteak beste, gure jarduna gidatzen duen motibazioetariko batzuk. Kultur Etxearen proiektuaren osaketan herri mugimenduak parte har dezan dinamikak sustatzea da beste helburu garrantzitsuetako bat. Gutxigorabehera honakoa da 2.003. urterako prestatu dugun eskeintza. Asteazkenetan batzen gara 20:30etatik 20:00etara.

Euskalgintza

Herrian euskararen normalizazioa lortzeko helburuarekin martxan diren egitasmoetan parte hartzen dugu. Egitasmo horiek sendotu eta sustatzea da helburua. Bai Euskarari, Euskararen Biziberritze Plana, Badihardugu, Kontseiluaren Ekintza Plana, Soraluzeko Euskararen Aholku Batziordea, Euskagintzako Herri Eragileen Batzorde iraunkorra (AEK eta Euskal Herrian Euskaraz) moduko egitasmo eta bilguneetan parte hartzen dugu. Astelehenero batzen gara 21:00etatik 22:30etara.

Gazte Saila

Gazteei euskarazko aisialdiko eskeintza bat egitea da helburua. Oraindik minimoetan dihardugu alor honetan. Maiztasun zehatzik gabeko bilerak egiten ditugu beharrezko denean.