Helburuak

Hona hemen gure elkartearen eginkizunak:

• Gurasoak orientatu eta laguntzea gure seme‑alaben edo tutoretzapekoen hezkuntzaren inguruko gaietan.
• Ikastetxearen hezkuntza‑jardueretan lankidetza eskaintzea.
• Ikasleen gurasoek elkartean eta ikastetxearen kudeaketan parte har dezaten sustatzea.
• Gure eskolako kide guztientzat, baina batez ere gure seme‑alabentzat onuragarri diren prestakuntza‑jarduerak antolatzea edo sustatzea, jarduerok osagarriak zein eskolaz kanpokoak izanik.
• Guraso eta irakasleen ahaleginak bultzatu, zuzendu eta bateratzea gure seme‑alaben heziketa integrala lortzeko; izan ere, denok ondo‑ondo dakigu zein beharrezkoa den batera jardutea eginkizun orientatzaile eta hezitzailea eraginkorragoa izan dadin.

Zein dira gure eskumenak?

·        Ikastetxeko guraso eta irakasleen arteko elkarlana sustatzea, ikastetxeak hobe jardun dezan.

• Eskola Kontseiluari proposamenak helaraztea ikastetxeko hezkuntza‑proiektua lantzeko.
• Ikastetxearekin berarekin zerikusia duten eta bidezkotzat jotzen diren alderdien berri ematea Eskola Kontseiluari.
• Gurasoen elkartearen beraren ekimenez edo Eskola Kontseiluak eskatuta, proposamenak helaraztea Eskola Kontseiluari.
• Jarduera osagarriak egin daitezen bultzatzea.
• Gure jardueren berri ematea.
• Beste guraso‑elkarteekin koordinatzea.

Horretarako, hauexek dira gure zerbitzuak:

·        Gurasoek ikastetxearekin izan ditzaketen arazo, proposamen, iradokizun edo eskariei arreta eskaintzen diegu, gaia behar den lekura bideratuz.

• Eskola Kontseiluaren hauteskundeetan gurasoen parte‑hartzea sustatzen dugu.
• Gurasoen inplikazioa bultzatzen dugu elkartearen batzarretan eta antolatzen diren jardueretan.
• Gure seme‑alaben heziketa integrala sustatzen duten eskolaz kanpoko hainbat ekintza antolatzen dugu.
• Gurasoentzako hainbat hitzaldi, ikastaro edo bestelako jarduerak antolatzen ditugu.
• Laguntza ematen dugu ikasleen prestakuntzaren garapena hobetzen duten material eta baliabideak erosteko.
• Ikastetxeak proposatutako jarduera osagarrietan laguntza ematen dugu.
• Harremanak ditugu gure antzeko beste elkarte batzuekin, eta haiekin elkarlanean jarduten dugu.
• Aldian‑aldian, eskolan egiten diren jarduera eta proiektuen berri ematen diegu bazkideei, eta, oro har, ikastetxearekin zerikusia duen guztia ezagutarazten diegu.
• Ikasturte amaierako kanpalekua eta jaia antolatzen ditugu.
• Urtean behin, Zubiletin aldizkaria argitaratzen dugu.

Non daukagu ordezkaritza?

• Ikastetxeko Eskola Kontseiluan, bera baita ikastetxeko hezkuntza‑komunitatearen estamentuek (irakasleek, gurasoek eta irakasle ez diren langileek) parte hartzeko eta ordezkatuak izateko organoa. Gure elkarteak 15 ordezkari ditu Kontseiluan.
• Eskola Kontseiluko batzordeetan.
• Getxoko Eskola Publikoetako Haur eta Lehen Hezkuntzako Gurasoen Elkarteen Federazioan.
• Bizkaiko ikastetxe publikoetako ikasleen gurasoen elkarteen federazioan (BIGEn), eta hori Euskal Herrikoan (EHIGEn).