Lezoko Udalaren "Tomas Garbizu" Musika Eskolak, Euskal Herri osoko akordeoi zaleak, Lezoko herrian bildu nahi dituzte.
Apirilaren 2an, Lezon ospatuko da Euskal Herriko IV. Akordeoi topaketa.
Bertan, 800 musikari inguru (soinujoleak, dantzariak, txistulariak, metal-taldeak, koru-abeslariak…) bilduko dira eta goizeko 9:30tan hasita eta eguerdiko 14:00arte, ikuskizun desberdin egongo dira.
Bertan, Zumarte Musika Eskolako Zumarte eta Zumarte Txiki abesbatzak parte hartuko dute abesti desberdinetan abesten.
Eguneko egitaraua hau izango da:
09:30.- Musikari partehartzaileei ongi etorria (Bekoerrota pilotalekuan).
12:00.- Kalejira Lezon barrena
13:00.- Bekoerrota Kiroldegian kontzertua.
14:00.- Topaketaren amaiera eta oroigarri banaketa.
