Bigarren urtez jarraian, Maiatzak 19tik 28ra bitarte Soinurbil Musika astea antolatu dugu.

Aurten musika desberdinak entzuteko aukera izango dugu, Jazz musika, Brasilgo erritmoak, Galiziako musika…

Musika Astea ondo asteko, Maiatzak 19 ostiralean Pirineo Jazz Orchestra izango dugu gure artean, TAM TAM-etik TOM TOM-era (Jazzaren historia) izenburuko kontzertu didaktikoarekin musika honen historia azalduko digute, esklaboen trafikoaren garaitik gaur egun arteko historia.

Maiatzak 23an EKAI Soka Laukotea eta Piruleta taldea "Sokak Dantzan"  saioa eskainiko digute. Bertan, modu dibertigarri batean soka familiako instrumentuak ezagutzeko aukera izango dugu.

Asteazkena 24an, Zumarteko ikasleek Udarregi Ikastolako ikasleentzako kontzertu didaktiko bat eskainiko dute, dudarik gabe instrumentu desberdinak ikusteko aukera ezin hobea.

Hurrengo egunean, Organo kontzertua izango da. Bertan Joan Luis Atxega Pagola Usurbildarra kontzertua eskainiko du. Laster batean Usurbilgo organoaren zaharberritze lanak hasiko dira, beraz Organo hau, denbora batean behintzat, entzuteko azken aukera izango da.

Ostirala 26an, Mungiako Musika Eskolako ikasleak, Zumarte Musika Eskolako ikasleekin batera, kontzertua eskainiko dute. Bertan bi musika eskoletan ikasten diren instrumentuekin gozatzeko aukera izango dugu.

Maiatzak 27 larunbatean bi ekitaldi izango ditugu. Alde batetik Porto Do Son (Galizia) herritik etorritako dantza taldea beraien dantzak eskainiko dizkigute, eta beste batetik BTK batuka  taldea bere ekitaldia eskainiko dute Usurbilgo kaleetatik.

II. Soinurbil Musika astea bukatzeko, Maiatzak 28an Debako Musika Banda izango dugu gure artean. Lehendabizi kalejira egingo dute, eta gero, kontzertua frontoian.

Kontzertu guzti hauek doanik izango dira.

Antolatzaileak: Zumarte Usurbilgo Musika Eskola eta Usurbilgo Udala.

Laguntzaileak: Udarregi Ikastola, Salbatore Eliza, Gipuzkoako Foru Aldundia eta Kutxa.

*Kontzertuen lekua eta ordutegia Agendan aurkituko dituzue.